kutubhona

Аҳмад ривоятида тўрт марта, дейилган). Шундан сўнг Пайғамбаримиз с.а.в: Аллоҳим, уни (Алини) дўст тутганни дўст тут, душман тутганни душман тут, уни севганни сев, уни ёмон кўрганни ёмон кўр, унга ёрдам берганга ёрдам бер, уни ёрдамсиз ташлаб қўйганни ёрдамсиз ташлаб қўй, қаерга борса ҳақни у билан бирга қил. Огоҳ бўлинглар, ҳозир бўлган ҳозир бўлмаганга етказсин».

3. Росулуллоҳ с.а.в. Алининг халифа бўлишини кўрсатиб кетган, деб айтадиган кишилар ўзларининг китобларида бир қанча ҳадисларни ривоят қилишган. Биз бу ҳадисларни ривоят қилиниши жиҳатидан баҳс қилмаймиз. Бу ҳадисларни икки шайх: Бухорий ва Муслим ривоят қилмаган ва ишончли кишилар орқали ҳам ривоят қилинмаган. Уларнинг кўпи мавзуъ (тўқима) ҳадислардан иборат. «Бу ҳадисларни сизлар ишончли деб ҳисоблайдиган кишилар ривоят қилмаган, уларни биз ишончли деб ҳисоблайдиган кишилар ривоят қилишган, ким саҳиҳ ҳадис деб ҳисобласа уни ҳужжат келтиришга ҳаққи бор», деб айтмасликлари учун бу ҳадисларни ривоят қилиниши жиҳатидан баҳс қилмаймиз. Аксинча биз бу нусусларнинг ўзини уларнинг ривоятларида қандай келган бўлса шундай ҳолда баҳс қиламиз. Бу ҳадислардан улар «Росулуллоҳ с.а.в. ўзидан кейин Алини халифа қилиб қолдирган», деган ҳукмни чиқаришади. Улар бу ҳадисларни валоят ҳадислари деб аташади. Биз улардан бир қисмини келтириб ўтамиз. Қолганлари ҳам худди шу маънода бўлиб, ҳатто худди шу лафзларнинг ўзи билан келади.

а – Абу Довуд Таёлисий Ибн Аббосдан ривоят қилади, Росулуллоҳ с.а.в. Али ибн Абу Толибга:

«أَنْتَ وَلِيُّ كُلِّ مُؤْمِنٍ بَعْدِي»
«Сен мендан кейин ҳар бир мўминнинг валийсисан», дедилар.

б – «Канзул уммол»да Имрон ибн Ҳусайндан ривоят қилинишича у бундай деган: Росулуллоҳ с.а.в. бир сарийя (кичик қўшин) юбориб, унга Али ибн Абу Толибни қўмондон қилиб тайинладилар. Али хумс (ўлжанинг бешдан бир қисми)дан ўзига бир жорияни танлаб олди. Бошқалар бунга